Məxfilik siyasəti

Harada Oturaq (harada-oturaq.az) restoran tapmaq, menyulara baxmaq və masa rezerv etmək üçün platformadır. Bu siyasət saytdan istifadə edərkən hansı məlumatlarınızı topladığımızı, onlardan necə istifadə etdiyimizi və hansı hüquqlarınız olduğunu izah edir.

1. Hansı məlumatları toplayırıq

Sizin özünüzün verdiyi məlumatlar

• Hesab yaradanda: ad, e-poçt ünvanı, telefon nömrəsi, şifrə (şifrə açıq şəkildə yox, şifrələnmiş formada saxlanılır) və istəsəniz profil şəkli.
• Masa rezerv edəndə: tarix, saat, qonaq sayı, qonaqların adları, telefon nömrəsi və xüsusi istəkləriniz.
• Rəy yazanda: adınız, soyadınız, qiymətləndirməniz, şərhiniz və yüklədiyiniz şəkillər.
• Əlaqə formasını dolduranda: ad, soyad, e-poçt, telefon və mesajınız.
• Restoran sahibi kimi müraciət edəndə: əlaqə şəxsinin adı, telefonu, vəzifəsi və mesajı.
• Sevimlilər: sevimlilərə əlavə etdiyiniz restoranların siyahısı.

Avtomatik toplanan məlumatlar

• Yeriniz: «Mənim yerim» funksiyasından istifadə etsəniz, brauzer sizdən icazə istəyir. İcazə versəniz, koordinatlarınız yalnız yaxınlıqdakı restoranları göstərmək üçün istifadə olunur və profilinizdə saxlanılmır.
• İstifadə statistikası: Google Analytics vasitəsilə hansı səhifələrə baxdığınız, cihazınızın və brauzerinizin növü, təxmini yeriniz (şəhər səviyyəsində) kimi anonim məlumatlar toplanır. Hesabınıza daxil olmusunuzsa, statistikaya adınız və ya e-poçtunuz yox, yalnız daxili istifadəçi nömrəniz ötürülür.
• Brauzer yaddaşı: sizi hesabınızda saxlamaq üçün giriş açarı (token) və seçdiyiniz dil brauzerinizin yaddaşında (localStorage) saxlanılır.

2. Məlumatlardan necə istifadə edirik

• hesabınızı yaratmaq və idarə etmək;
• rezervasiyanızı restorana çatdırmaq və onun statusu barədə sizə bildiriş göndərmək;
• rəylərinizi restoran səhifəsində dərc etmək;
• sorğularınıza və müraciətlərinizə cavab vermək;
• yaxınlıqdakı restoranları göstərmək;
• saytın işini təhlil etmək və onu yaxşılaşdırmaq;
• saxtakarlığın və sui-istifadənin qarşısını almaq.

Məlumatlarınızı reklam məqsədilə satmırıq.

3. Məlumatları kimlərlə bölüşürük

• Restoranlar: rezervasiya etdiyiniz restoran rezervasiyanı qəbul etmək üçün adınızı, telefonunuzu, qonaq sayını, tarixi, saatı və xüsusi istəyinizi görür.
• Digər istifadəçilər: yazdığınız rəy (adınız, qiymətiniz, şərhiniz və şəkilləriniz) restoran səhifəsində hamıya görünür.
• Google: xəritələr (Google Maps) və statistika (Google Analytics, Google Tag Manager) xidmətləri. Google bu məlumatları öz məxfilik siyasətinə uyğun emal edir.
• Ödəniş xidməti: saytda ödəniş edilərsə, kart məlumatlarınız birbaşa ödəniş provayderi (Stripe) tərəfindən emal olunur. Kart məlumatlarınızı biz görmürük və saxlamırıq.
• Dövlət orqanları: yalnız qanunla tələb olunduğu hallarda.

4. Məlumatları nə qədər saxlayırıq

Hesab məlumatlarınızı hesabınız aktiv olduğu müddətdə saxlayırıq. Rezervasiya tarixçəsini və əlaqə müraciətlərini xidmətin göstərilməsi və mübahisələrin həlli üçün lazım olan müddətdə saxlayırıq. Hesabınızın silinməsini istəsəniz, qanunla saxlanılması tələb olunanlar istisna olmaqla, şəxsi məlumatlarınızı silirik.

5. Məlumatların qorunması

Sayta bütün bağlantılar şifrələnmiş (HTTPS) kanalla qurulur, şifrələr açıq şəkildə saxlanılmır, idarəetmə panelinə giriş yalnız səlahiyyətli şəxslərə açıqdır. Buna baxmayaraq, internet üzərindən heç bir ötürmə tam təhlükəsiz deyil, ona görə şifrənizi heç kimlə bölüşməyin.

6. Sizin hüquqlarınız

Azərbaycan Respublikasının «Fərdi məlumatlar haqqında» Qanununa uyğun olaraq siz:

• haqqınızda hansı məlumatların saxlanıldığını öyrənə bilərsiniz;
• səhv və ya köhnəlmiş məlumatların düzəldilməsini tələb edə bilərsiniz;
• məlumatlarınızın və hesabınızın silinməsini tələb edə bilərsiniz;
• verdiyiniz razılığı istənilən vaxt geri götürə bilərsiniz.

Avropa İttifaqında və ya digər ölkələrdə yaşayırsınızsa, yerli qanunvericiliyin (məsələn, GDPR) sizə verdiyi əlavə hüquqlardan da istifadə edə bilərsiniz. Profil məlumatlarınızın çoxunu hesabınızdakı «Profil tənzimləmələri» bölməsindən özünüz dəyişə bilərsiniz. Digər sorğular üçün əlaqə səhifəsi vasitəsilə bizə yazın.

7. Uşaqlar

Sayt 16 yaşdan kiçik şəxslər üçün nəzərdə tutulmayıb və biz bilərəkdən onlardan şəxsi məlumat toplamırıq.

8. Siyasətdəki dəyişikliklər

Bu siyasəti vaxtaşırı yeniləyə bilərik. Son yenilənmə tarixi səhifənin yuxarısında göstərilir. Əhəmiyyətli dəyişikliklər barədə saytda məlumat verəcəyik.

9. Əlaqə

Məxfilik siyasəti ilə bağlı suallarınız varsa, əlaqə səhifəsi vasitəsilə bizə müraciət edin.